* سحرکے بعدبھی اکثر سحر نہیں ہوتی *
سحرکے بعدبھی اکثر سحر نہیں ہوتی
ہوائے دہشت بہت معتبر نہیں ہوتی
یہ افتخار بھی کیا کم ہے زندگی کے لئے
وہ بے ثبات سہی بے ہنر نہیں ہوتی
سنے گا کون ہماری کہیں تو کس سے کہیں
کہ گرد راہ دلیلِ سفر نہیں ہوتی
یہ اور بات ہے پھر کوئی حادثہ ہو جائے
مسافروں سے خفا رہ گزر نہیں ہوتی
عجیب بات ہے کس کو یقین آئے گا
اُدھر بھی ہوتی ہے منزل جدھر نہیں ہوتی
چمن میں چشم و چراغ چمن کسے کہتے
اگر سیاست برق و شرر نہیں ہوتی
مزا تو یہ ہے کہ بستی میں بے نوائوں کی
گھروں کو حاجت دیوار و در نہیں ہوی
جہانِ غم کی روایت کا کیا گلہ تاباں
طلب کی رات رہین سحر نہیں ہوتی
***************************** |