* Har gaam pe ek aahni deewar kharhi hai *
Har gaam pe ek aahni deewar kharhi hai
Pairo'n me'n yeh kis khof ki zanjeer parhi hai
Tasweer mere saye ki ab mujh se barhi hai
Shayad yahi khursheed ke dhalne ki gharhi hai
Har ek ghari subhe qayamat ki gharhi hai
Is daurh me'n jeene ki saza kitni karhi hai
Kaa'ndhe pe uthane ko nahi'n koii bhi taiyyaar
Chourahe pe tahzeeb ki ek lash parhi hai
Woh sham ko Aayega magar aas lagaye
Dahliz par ek devi savere se kharhi hai
Kishti to wahi hai jo larhe moj-e-bala se
Kishti voh nahi'n hai jo kinare pe kharhi hai
Afsos nahi'n mujh ko jo dooba hai safeena
Mai'n khush hoo'n ke sahil ki yeh bunyad parhi hai
|