Ajeeb log haiN kyaa khuub munsifii kee hai,
hamaare qatl ko kahte haiN khud-kushii kee hai,
ye baaNkpan thaa hamaaraa ke zulm per hamne,
bajaaye naalaa-o-faryaad shaaiirii kee hai,
zaraa se paaNv bhigoye thay jaa ke daryaa meN,
Ghuroor ye hai ke hamne shanaawarii kee hai,
isii lahuu meN tumhaara safeenaa Duubegaa,
ye qatl-e-aam nahiiN, tumne khud-kushii kee hai,
hamaari qadr karo chauNdaviiN ke chaaNd haiN ham,
Khud apne DaaGh dikhaane ko raushnii kee hai,
udaasiyoN ko Hafeez aap apne ghar rakhkheN,
ke anjuman ko zaruurat shaguftagii kee hai.