* عدم سے جانبِ ہستی تلاش یار میں آئے! *
غزل
٭………خواجہ حیدر علی آتش
عدم سے جانبِ ہستی تلاش یار میں آئے!
کھلی آنکھیں تو دیکھا، وادیٔ پُر خار میں آئے!
یقیں ہے کچھ نہ کچھ رحمت مزاجِ یار میں آئے!
ادب سے ہاتھ باندھے ہم تیرے دربار میں آئے!
اگر بخشے زہے رحمت ! نہ بخشے تو شکایت کیا؟
سرِ تسلیم خم ہے۔ جو مزاج یار میں آئے
نہ پوچھو اہلِ محشر ہم سے دیوانہ کی بے تابی
یہاں مجمع سنا، یاں بھی تلاشِ یار میں آئے
عدم کے جانے والو، بزمِ جاناں تک اگر پہنچو
ہمیں بھی یاد رکھنا، ذکر جو دربار میں آئے
نہ مانگو بوسہ اے آتشؔ بگاڑے منہ وہ بیٹھے ہیں
قیامت ہے اگر بل ابروئے خمدار میں آئے
|