* سن تو سہی جہاں میں ہے تیرا فسانہ کی *
غزل
٭………خواجہ حیدر علی آتش
سن تو سہی جہاں میں ہے تیرا فسانہ کیا
کہتی ہے تجھ کو خلقِ خدا غائبانہ کیا
زیرِ زمیں سے آتا جو گُل سوز ربکف
قارروںنے راستہ میں لٹایا خزانہ کیا
اڑتا ہے شوقِ راحت منزل سے اسپِ عمر
مہمیز کس کو کہتے ہیں اور تازیانہ کیا
طبل و علم ہی پاس ہے اپنے نہ ملک و مال
ہم سے خلاف ہو کے کرے گا زمانہ کیا
آتی ہے کس طرح سے مری قبضِ روح کو
دیکھوں تو موت ڈھونڈ رہی ہے بہانہ کیا
صیّاد اسیرِ دام رگِ گل ہے عندلیب
دِکھلا رہا ہے چھپ کے اسے آب و دانہ کیا
یاں مدعی حسد سے نہ دے داد تو نہ دے
آتشؔ غزل یہ تونے کہی عاشقانہ کیا
|