Baraf ke ayyam me'n kaisi saza dete rahe
Rut badalne ki nawede ja'nfeza dete rahe

Wahshat-e- raftar me'n koii na koii baat thee
Sar phire tareek jangal rasta dete rahe

Woh pase diwar deeware'n khari karte rahe
Saa'ns lene ke liye haa'n kuchh hawa dete rahe

Khogaya thaa tilsim-e-khana sayyal me'n
Sahilo'n par der tak kis ko sada dete rahe

Woh maka'n hoo'n ya makee'n sab se keya yaksa'n sulook
Barf aaloodah hawao'n ko dua dete rahe

Aakherash aawargan-e-dasht me'n shamil huye
Kis yaqi'n se rah-o-manazil ka pata dete rahe

			Masood Manzil, Shalimar,
			Srinagar-190001 (Kashmir)