* Pe ba pe halaat ki tabdeeliya'n *
Pe ba pe halaat ki tabdeeliya'n
Waqt ko phir de'ngi khush aasariya'n
Zaat ke sahra se ab bahar nikal
Chal rahi hai'n kali peeli aa'ndhiya'n
Baal khole kis ne yeh sahrao'n me'n
Umdi'n har su kali kali badliya'n
Aaieena khano'n ko dhundla kar gayee'n
Aks ke daaman ko dhundla kar gayee'n
Kaun aaya aa'nkhe'n raushan kar gaya
Khul gayee'n phir dil ki sari khirhkiya'n
Baad us ke bistaro'n me'n thee'n "Haneef"
Shab gazeeda khawab aawar goliya'n
P.O. Box No. 378 Arar (North) (Saudi Arabia)
|