* مری فکر و نظر کا جو گلستاں ہے *
غزل نما
حنیف ترین
مری فکر و نظر کا جو گلستاں ہے
پشیماں اُس میں کانٹا پھول خندا ں ہے
گری ہیں ریت پر بوندیں
اک اک ذرہ زر افشاں ہے
کتاب شعر کے ہر لفظ میں پنہاں
کہیں سورج کہیں ماہِ درخشاں ہے
نگارِ وادی کشمیر تجھ سے کیا بتائوں میں
یہاں رہ کر تو لگتا ہے کہ اپنا گھر بھی زنداں ہے
مجھے محسوس ہوتا ہے نہ جانے کیوں
یہاں اب تک صدائے گل فروشا ہیں
حنیف اہل نظر اس بات کے قائل ہمیشہ تھے
ظہیر نکتہ رس کا شعر و نقد و فن پہ احساں ہے
٭٭٭
|