|
* Be qaba jismo'n pe farsudah redaye'n taan de *
Be qaba jismo'n pe farsudah redaye'n taan de
Is shakista daur me'n apni koii pahchaan de
Mai'n hoo'n sadiyo'n se shakista roshni ke darmeya'n
Aane wali subh ka mujh ko koii imkaan de
Sab hai'n apne aap ko pahchanne me'n munhamik
Ghair mumkin hai yaha'n koii teri pahchaan de
Ya mitade jism-o-jaa'n se rooh ki wabastagi
Ya meri khana badoshi ko koii aiwan de
Aandhiyaa'n aayengi to gir jayenge boorhe shajar
Ug rahe hai'n jo naye paude tu un par dheyan de
Rookhi sukhi khake mai'n zinda hoo'n ae "Haseer"
Mai'n nahi'n kahta koii sone ki mujh ko kan de
539/A, Majid Colony, Sector-1,
Landhi, Karachi (Pakistan)
|
|