Vaa rab! Gham-e-hijraa’n me’n itnaa to kiyaa hotaa
jo haath jigar pe hai vo dast-e-duaa hotaa

ik ishq kaa Gham aafat aur us pe ye dil aafat
yaa Gham na diyaa hotaa yaa dil na diyaa hotaa

Ghairon se kahaa tum ne Ghairo’n se sunaa tum ne
kuchh ham se kahaa hotaa kuchh ham se sunaa hotaa

ummiid to bandh jaatii taskiin to ho jaatii
vaadaa na vafaa karate vaadaa to kiyaa hotaa

naakaam-e-tamannaa dil is soch me’n rahtaa hai
yuu’n hotaa to kyaa hotaa yuu’n hotaa to kyaa hotaa