FAASLE YEH KYO'N DILO'N KE DARMIYA'N HAI'N SHAHAR MEI'N,
WOH MOHABBAT KARNE WAALE AB KAHAA'N HAI'N SHAHAR MEI'N,
KOI AISA BHI HAI JISKO CHAAND SE TASHBEEH DOO'N,
KITNE CHEHRE YU'N TO MISLE KAHKASHAA'N HAI'N SHAHAR MEI'N,
SUBAH KI UMMEED HO JAATI HAI JIN KO DEKH KAR,
TEERGI MEI'N WOH DIYE BHI ZOOFASHAA'N HAI'N SHAR MEI'N,
YEH ZAMEE'N WALE KABHI JINKI KHABAR LETE NAHI,
IS ZAMEE'N PER KAISE KAISE AASMAA'N HAI'N SHAHAR MEI'N,
GARDISHE DAURAA'N KA SEENA CHAAK KAR DETE THEY JO,
WOH HAREEFE GARDISHE DAURAA'N KAHAA'N HAI'N SHAHAR MEI'N,
DEKH KAR UNKA TAQADDUS RAQS KARTI THI HAYAT,
AAJ WOH CHEHRE JO JINSE RAAYEGAA'N HAI'N SHAR MEI'N,
AIK DO KA ZIKR KYA MERI TABAHI KA SABAB,
KYA BATAYU'N KAISE KAISE MEHARBAA'N HAI'N SHAHAR MEI'N,
SARGIRANI KA SABAB KIS KIS SE AAKHIR POOCHHIYE,
BE SABAB KIYO'N LOG ITNE SARGIRAA'N HAI'N SHAHAR MEI'N,
AE "RAZA" AAKHIR MAI'N APNA HAM ZABA'N KIS KO KAHU'N,
AAJ KAL GOONGE BHI SAB AHLE ZABAA'N HAI'N SHAR MEI'N.