|
* MOHABBATO'N KE DIYE KYO'N BUJHA RAHE HAI'N LOG *
MOHABBATO'N KE DIYE KYO'N BUJHA RAHE HAI'N LOG,
KHUD APNE GIRD ANDHERE BARHA RAHE HAI'N LOG,
YAHI TO IK MERI AZMAT KI HAI DALIL KE MAI'N,
WOH HO'N JISE LIKH KAR MITA RAHE HAI'N LOG,
MAI'N KOI ASHK NAHI HOO'N JO GAR KE BAH JAAYOO'N,
NAZAR SE KYO'N MUJHE APNI GIRA RAHE HAI'N LOG,
FAREB KHAAIYE KAB TAK BHALA BANAAM KHULOOS,
YAHAA'N TO NIT NAYE KARTAB DIKHA RAHE HAI'N LOG,
MAI'N APNE CHEHRE KE HAR ZAAVIYE SE WAAQIF HOO'N,
PHIR AAYINE KI TARAF KYO'N BULA RAHE HAI'N LOG,
YEH KHWAAB HI TO MERI ZINDAGI KA HAASIL HAI'N,
JINHE'N MAZAAQ SAMAJH KAR URHA RAHE HAI'N LOG,
MAI'N DEKHTA HOO'N KE SAB APNE APNE NAAM KE SATH,
MUJH HI KO MERI KAHAANI SUNA RAHE HAI'N LOG,
ANDHERI SHAB MEI'N MOHABBAT KA IK CHIRAAGH HOO'N MAI'N,
"RAZA" NA JAANE MUJHE KYO'N BUJHA RAHE HAI'N LOG. |
|