FAASLE YEH KYO'N DILO'N KE DARMIYAA'N HAI'N SHAHAR MEI'N,
WOH MOHABBAT KARNE WALE AB KAHAA'N HAI'N SHAHAR MEI'N,
KOI AISA BHI HAI JISKO CHAAND SE TASHBEEH DOO'N,
KITNE CHEHRE YO'N TO MISLE KAHKASHAA'N HAI'N SHAHR MEI'N,
SUBAH KI UMEED HO JAATI HAI JIN KO DEKH KAR,
TERGI MEI'N WOH DIYE BHI ZOOFESHAA'N HAI'N SHAR MEI'N,
YEH ZAMII'N WAALE KABHI JINKI KHABAR LETE NAHI,US ZAMII'N PER KAISE KAISE AASMA'N HAI'N SHAHAR MEI'N,
GARDISHE DAURAA'N KA SIINA CHAAK KAR DETE THEY JO,
WOH HARIIFE GARDISHE DAURAA'N KAHAA'N HAI'N SHAHAR MEI'N,
DEKH KAR UNKA TAQADDUS RAQS KARTI YHI HAYAAT,
AAJ WOH CHEHRE JO JINSE RAAYIGAA'N HAI'N SHAHAR MEI'N,
AIK DO KA ZIKR KYA MERI TABAAHI KA SABAB,
KYA BATAAYU'N KAISE KAISE MEHARBAA'N HAI'N SHAHAR MEI'N,
SAR GIRAANI KA SABAB KIS KIS SE AAKHIR POOCHHIYE,
BE SABAB KIYO'N LOG ITNE SAR GIRAA'N HAI'N SHAHAR MEI'N,
AE "RAZA" AAKHIR MAI'N APNA HAM ZABAA'N KIS KO KAHOO'N,
AAJ KAL GOONGE BHI SAB AHLE ZABAA'N HAI'N SHAHAR MEI'N.