* جینا نظر اپنا ہمیں اصلا نہیں آتا *
غزل
٭………شیخ محمد ابراہیم ذوقؔ
جینا نظر اپنا ہمیں اصلا نہیں آتا
گر آج بھی وہ رشکِ مسیحا نہیں آتا
مذکور تری بزم میں کس کا نہیں آتا
پرذکر ہمارا نہیں آتا، نہیں آتا
آتا ہے دم آنکھوں میں دمِ حسرتِ دیدار
پرلب پہ کبھی حرفِ تمنا نہیں آتا
بے جا دِلا ! اس کے نہ آنے کی شکایت
کیا کیجئے گا فرمائیے، اچھا نہیں آتا
قسمت ہی سے لاچار ہوں اے ذوقؔ وگرنہ
سب فن میں ہوں میں طاق مجھے کیا نہیں آتا
|