Is qadar bhii to na jazbaat pe qaabuu rakho,
thak gaye ho to mere kaandhe pe baazuu rakho,

bhuulne paaye na us dasht ko vahshat-e-dil se,
shahar ke biich raho, baaGh meN aahuu rakho,

Khushk ho jaayegii rote hue sahraa kii tarah,
kuchh bachaa kar bhii to is aaNkh meN aaNsuu rakho,

roshnii hogii to aa jaayegaa rahrav dil kaa,
us kii yaadon ke diye taaq meN har suu rakho,

yaad aayegii tumhaarii hii safar meN usko,
us ke ruumaal meN ek achchhi sii Khushbuu rakho,

ab voh mahbuub nahiiN apnaa magar dost to,
usse yah ek t'alluq hii baharsuu rakho.