جب يہ عالم ہو تو لکھيۓ لب و رخسار پہ خاک
اڑتی ہے خانہء دل کے در و ديوار پہ خاک

تونےمٹی سے الجھنےکا نتيجہ ديکھا
ڈال دی ميرے بدن نے تری تلوار پہ خاک

ہم نے مدت سے الٹ رکھا ہے کاسہ اپنا
دست_ دادار ترے درہم و دينار پہ خاک

پتلياں گرمئ نظارہ سے جل جاتی ہيں
آنکھ کی خير مياں،رونق_ بازار پہ خاک

جو کسی اور نے لکھا ہے اسے کيا معلوم
لوح _ تقدير بجا،چہرہء اخبار پہ خاک

چار ديوار _عناصر کی حقيقت کتنی
يہ بھی گھر ڈوب گيا ديدہء خوں بار پہ خاک

پاۓ وحشت نےعجب نقش بناۓ تھے يہاں
اے ہواۓ سر _صحرا تری رفتار پہ خاک

يہ غزل لکھ کے حريفوں پہ اڑا دی ميں نے
جم رہی تھی مرے آينھء اشعار پہ خاک

یہ بھی ديکھو کہ کہاں کون بلاتا ہے تمہيں
محضر_شوق پڑھو،محضر_سرکار پہ خاک

آپ کيا نقد_دوعالم سے خريديں گے اسے
يھ تو ديوانے کا سر ہے،سر_پندار پہ خاک
******************************