غزل

میرے افکار کے تیور میں نئی اک الجھن
روز ہوتی ہے مرے سر میں نئی اک الجھن
جب بھی ہونٹوں پہ تبسم کی کلی کھلتی ہے
وقت بُن جاتا ہے پیکر میں نئی اک الجھن
روز قسطوں میں مری موت ہوا کرتی ہے
روز آتی ہے مرے گھر میں نئی اک الجھن
دھوپ ڈر جاتی ہے آنگن میں اترتی ہی نہیں
کون رکھ جاتا ہے چھپر میں نئی اک الجھن
سلوٹیں پڑگئیں ارشاد بدن میں تیرے
یا ہوئیں سانسوں کے بستر میں نئی اک الجھن

ارشاد مظہری

25/1/2, Topsia Road
Kolkata-700039
Mob: 9903522104
بشکریہ ’’میر بھی ہم بھی‘‘	مرتب: مشتاق دربھنگوی
………………………