Bhari mehfil main bhi tery nazaroon ko tarasty hain
chaman main reh key bhi ham to baharoon ko tarasty hain

nikaal aey mouj e toofan aaj too bhu hosly dill key
wo koi or hoon gy jo kinaroon ko tarasty hain

wafoor e drd sey ghabra key aksar hijr k mary
redaay zabt k nazuk saharoon ko tarsty hain

mataa e gul ka deewana faqat gulchiin nahi hamdam
aseeran e qafas bhi lalazaroon ko tarasty hain 

kisi nykeh na di hoo raaz ki ye baat phoolon sey
key ahl e dill azal sey gulzaroon ko tarasty hain

faza e gulshan e yourap buhut dilkash sahi lekin
jamil apny watan k marghzaroon ko tarasty hain