Faryaad ka ik harf sunaii nahi'n deta
Yeh zulm hai kaisa dahai nahi'n deta

Manzar ke use aks me'n dhalne se hai inkaar
Aaeena ke manzar ko rahaii nahi'n deta

Ik sabz sa inkar hai un surkh labo'n par
Ik saa'np hai phoolo'n me'n dekhaii nahi'n deta

Mai'n radd-e- mazameen-e- hareefa'n nahi'n karta
Mai'n ujrat-e- tahmeed saraii nahi'n karta

Khursheed pe ilzam tarashi bhi ghazab hai
Andho'n ko to din me'n bhi dekhaii nahi'n deta

"Jamshed" pe sabit huii phir tohmat-e- yara'n
Yeh skakhas kabhi apni safaii nahi'n deta

			Editor "bazgasht" Lindebargasen 46 A.N. 1068
			Oslo (Norway)