shajar par ek hee pattaa bachaa hai 
havaa kee aankh men chubane lagaa hai 

nadee dam tod baithee tashanagee se 
samandar baarishon men bheegataa hai 

kabhee juganoo kabhee titalee ke peechhe 
meraa bachapan abhee tak bhaagataa hai 

sabhee ke khoon men gairat nahee par 
lahoo sab kee ragon men dodataa hai 

javaanee kyaa mere bete pe aaee 
meree aankhon men aankhe daalataa hai 

chalo ham bhee kinaare baith jaayen 
gazal gaalib see dariyaa gaa rahaa hai
****