AaKhrii baar aah kar lii hai,
maiN ne Khud se nibaah kar lii hai,
apne sar ek balaa to lenii thii,
maiN ne vo zulf apne sar lii hai,
din bhalaa kis tarah guzaaro ge,
vasl kii shab bhii ab guzar lii hai ,
jaaN-nisaaroN pe vaar kyaa karnaa,
maiN ne bas haath meiN sipar lii hai,
jo bhii maango udhaar duuNgaa main,
us galii meN dukaan kar lii hai,
mera kash-kol kab se Khaalii tha
maiN ne us meN sharaab bhar lii hai,
(kash-kol : begging bowl)
aur to kuch naheeN kiyaa maiN ne,
apnii haalat tabaah kar lii hai,
sheiKh aaya to mohtasib ko liye,
maiN ne bhii unkii vo Khabar lii hai.
(skeiKh : priest; mohtasib : reckoner)