* Khud se ham ik nafas hile bhii kahaa’n *
Khud se ham ik nafas hile bhii kahaa’n
Us ko dhoondhe’n to vo mile bhii kahaa’n
Khemaa-Khemaa guzaar le ye shab
Subah-dam ye qaafle bhii kahaa’n
Ab ta'mul na kar dil-e-Khud_kaam
Rooth le phir ye silsile bhii kahaa’n
Aao aapas mein kuchh gile kar lein
Varnaa yuu’n hai ke phir gile bhii kahaa’n
Khush ho siine kii in Kharaashon par
Phir tanaffus ke ye sile bhii kahaa’n
|