Dasht-e-firaaq ki wo raat, kesi thi raat? kuch na pooch!
taroN ka zikr ab na cheR, chand ki baat ab na pooch...

qariya-e-jaaN ujaaR kr, jany kahaN nikal gaey,
wo jo di'ay thy bazm k, un ki hayaat kuch na pooch...

tu ne saleebaiN gaR deiN, jhool gaye khushi se ham,
kam se apny kaam rakh, aur nukaat kuch na pooch

apni khushi se naam likh, khali paRi hay loh-e-dil,
naam-o-numood kuch na dekh, zaat sifaat kuch na pooch

baNT'ty thy hathoN hath jam, kesi thi bazm rang pr,
kesy luTa wo meykada, haaye wo baat kuch na pooch

moj-e-hawa k dosh pr, chaTki hui hay chandni,
kesy kaTy gi aaj raat, yar Hayaat kuch na pooch