ہر کِسی میں یہاں بس جانے کا دم تهوڑی ہے
یہ مِرا دِل کوئ زاہد کا حرم تهوڑی ہے

زیست ہے دشتِ بیاباں بهی کبهی صحرا بهی
یہ تِری بهیگی ہوئ زلف کا خم تهوڑی ہے

وہ تو اچّها ہے مگر رسمِ محبّت ہے بُری
اسکی عادت کے سبب اُسکا سِتم تهوڑی ہے

مُسکراکر ہے غمِ دِل کو چُهپانا مُشکِل
یہ تجربہ مِرا ، میکش کا بهرم تهوڑی ہے

ہے مِرا چاکِ گِریباں تیری اُلفت کا نِشاں
ورنہ سَر پر مِرے اِفلاس کا غم تهوڑی ہے

لب پہ مَیں زِکر سِتمگر تِرا لاتا ہی نہیں
مَصلحت ہے یہ مِری ، طرزِ کرم تهوڑی ہے

تیری اُلفت میں بہایا ہے پسینا برسوں
پَیرہن یہ مِرا برسات سے نم تهوڑی ہے

جو بهی لِکهتا ہے چهُپا لیتا ہے دیواروں میں
یہ مِرا دِل کِسی شاعِر کا قلم تهوڑی ہے

عِشق میں مُجه کو بَهٹکنے سے بچاتا ہے حیآت
مِرا رَہبر ہے وہ پتهر کا صنم تهوڑی ہے
******