Wafa Mei.N Meri Khata Or Teri Adaa Nikley
Ke Ab Ke Ishq Mei.N Sab Kuch Naya Naya Nikley

Hai Rang-e-ishq Mere Khoon Ke Har Qatre Mein
Lagao Haath Mein Mehndi Jo Khoo.N Mera Nikley

Rahi Ye Unki Adaa Umr Bher Meri Uljhan
Kabhi Huwe Wo Meherbaa.N Kabhi Khafaa Nikley

Dua Ye Dil Ki Wo Aaye.N To Phir Main Na Jagoo.N
Wo Khuwab Mein Jo Na Aaye.N To Dil Se Kiya Nikley

Wafa Ki Rah Mei.N Ik Aisa MoRH Bhi Aaya
Jaha.N Se Raste Uske Mere Juda Nikley


Ik Aarzoo Thi Faqat Umr Bhar Jo Saath Rahi 
Ke Mera Yaar Koi Mujh Se Ba-wafa Nikley

Hayat Azm Ye Guzraa Bahut Giraa.N Mujh Par
Ke Mere Dar Se Sadaa Khushbu-e Wafaa Nikley
*****