Phir Na Peeney Ki Qasam ToRh Hi Daali Jaaye,
Baat Saqee Ki........... Kisi Haal Na Taali Jaaye.

Zinda Rehney Ke Liye Khoon e Jigar Mangegee,
Aarzoo Koi Agar.......... Dil Mein Chupaali Jaye.

Woh Sanam Jin Ki Parastish Ki, Huwey Farsooda,
Koi Soorat Nai.......... Patther Mein Banaali Jaye.

Aaj Karni Hai Agar Apney Hareefon Ki Talaash,
Zindagi Per Bhi Nazar....... Ghor Se Daali Jaye.

Gham e Doraan Ke Liye Waqf Kiya Hai Woh Din,
Gham e Jaanan Se..... Agar Din Koi Khaali Jaye.

Dil Ki Her Rah Se......... Ik Aah Nikalti Hai 'Hayat'
Ab Nai Raah Koi.................. Dil Se Nikaali Jaye. —