چلی جو بادِ نسیمِ ہم نے ، کیا شروع اپنا کام صاحِب
نِکل پڑے مَے کدے کی جانِب ، لِئے ہوئے خالی جام صاحِب
یہاں پہ زاہِد و رِند سب کا ، فقط ہے ساقی اِمام صاحِب
یہی ہے دستور مے کدے کا ، یہی یہاں کا نظام صاحب 
کبهی صنم کا غزل میں اپنی ، لِکها نہیں ہم نے نام صاحِب
زمانہ اُس کو کرے نہ رُسوا ، ہمارا پڑهکے کلام صاحِب
عَجب طرح سے لبوں پہ اُسنے ، انا کی بندِش لگا رکهی ہے
کبهی تو لیکر پُکار لیتا ، ہمارا ہونٹوں پہ نام صاحِب
حَسَد کے بازار میں رفیقوں ، نے خُوب اُچهالی ہے میری دستار
لگا سکا نہ کوئ بهی بولی ، نہ دے سکا کوئ دام صاحِب
میں بند رکهتا ہُوں کان اپنے ، جُهکا کے رکهتا ہُوں نظر بهی اپنی
اِسی لِئے تو ہیں میرے مدّاح ، شہر کے سب خاص و عام صاحِب 
غَمِ فِراقِ صنم جو شَب بهر ، لگے تهے دِل کو اُجاڑنے میں
خُمارِ بادِ سَمومِ صبح ، اُتار دیگا تمام صاحِب
حیآت دشتِ جُنوں میں آٹهوں ، پَہر بهٹکتا ہے آج کیوں کر
جو دِن کے خَنجر سے بچ گیا بهی ، تو دهَر ہی لیگی یہ شام صاحِب
*******