* Muddat meiN wo phir taaza mulaqaat ka aalam *
Muddat meiN wo phir taaza mulaqaat ka aalam
Khaamoash adaaoN meiN wo jazbaat ka aalam
Wo saadgi-e-husn wo mehboob nigaahi
Wo mehfil-e-sad shukr o shikayaat ka aalam
Aariz se Dhalakte huey shabnam k do qatray
AaNsoo se chhalakta hua barsaat ka aalam
Wo nazroN hi nazroN meiN sawalaat ki dunya
Wo aaNkhoN hi aaNkhoN meiN shikayaat ka aalam
Aalam meri nazroN meiN Jigar aur hi kuchh hai
Aalam hai agarchay wahi din raat ka aalam
|