* Har subah hai ik ajiib saudaa mujhko *
Har subah hai ik ajiib saudaa mujhko
har shaam hai ik-tarafaa taqaazaa mujhko
jug biit gayaa magar ye ab tak na khulaa
aaKhir kis shay kii hai tamannaa mujhko
tujhase jo phiregii to kidhar jaayegii
le jaayegaa jis simt udhar jaayegii
duniyaa ke havaadis se na ghabaraa ki ye umr
jis tarah guzaaregaa guzar jaayegii
ik umr tasavvuf ne mujhko chakaraayaa
is bahar me’n ek bhii na motii paayaa
har martabaa jab ki jaal khiinchaa mai’n ne
to ik-na-ik vaham atak kar aayaa
jannat ke mazo’n pe jaan dene vaalo
gande paanii me’n naav khene vaalo
har Khair pe chaahate ho sattar huuren
ai apane Khudaa se suud maanganae vaalo
kal motiyo’n ko rol diyaa saaqii ne
sone me’n mujhe tol diyaa saaqii ne
ye sun ke ki khulataa nahii’n maqasuud-e-hayaat
maikhaane kaa dar khol diyaa saaqii ne
|