|
* Fikr hii Thaharii to dil ko fikr-e-Khubaa.N kyo.n na ho *
Fikr hii Thaharii to dil ko fikr-e-Khubaa.N kyo.n na ho,
Khaak hona ahai to Khaak-e-kuu-e-jaanaa.N kyo.n na ho,
ziist hai jab mustaqil aavaaraa gardii hii kaa naam,
aql vaalo phir tavaaf-e-kuu-e-jaanaa.N kyo.n na ho,
ik na ik rif'at ke aage sajdaa laazim hai to phir,
aadamii mahav-e-sajuud-e-sirr-e-Khubaa.N kyo.n na ho,
ik na ik zulmat se jab vaabastaa rahanaa hai to "Josh",
zindagii par saayaa-e-zulf-e-pareshaa.N kyo.n na ho. |
|