حمد

ترے نام کاذب کی دھند اور کہاسے 
ترے نام کرنوں کے رنگین لہرئے
ترے نام چڑیوں کے دلکش ترا نے
ترے نام سورج کی نشیلی حدت
ترے  نام شبنم کے شفاف قطرے
ترے نام کلیوں کی البیلی خوشبو
ترے نام شاخوں پہ منڈراتے بھنورے
ترے نام پربت کی اونچی قطاریں 
ترے نام صف باندھے پیڑوں سائے
ترے نام شہروں کی گنجان سڑکیں 
ترے نام گائوں کے پر امن گوشے
ترے نام کھیتوں میں لہراتی فصلیں
ترے نام دریا کے دلشاد نغمے
ترے نام صحرا کی تپتی مسافت
ترے نام پتھریلی وادی کے جھرنے
ترے نام آکاش کے چاند تارے
ترے نام راتوں کے خاموش لمحے
ترے نام آنکھوں کے ست رنگے سپنے 
ترے نام دل کے مصفا ارادے 
ترے نام مسجد ‘کلیسا‘ شوالے
ترے نام مفلس کے‘ شاہوں کے سجدے 
ترے نام دھرتی پہ جلتے گھروندے
ترے نام نفرت کی بنجر زمینیں
ترے نام معصوم جاں کی کراہیں 
ترے نام سڑکوں پہ بے آس لا شیں 
ترے نام مائوں کے بے انت نوحے
ترے نام بیوہ کے اجلے دوپٹے
ترے نام مہندی کو  ترسی ہتھیلی 
ترے نام بیٹوں کو روتی حویلی 
ترے نام دہشت کے آسیبی موسم 
ترے نام بادل کی خوں ریز جھم جھم 
ترے نام کی عظمتیں بے کراں 
ترا نام مولا کراں تا کراں 
تو ہی ابتدا ہے  …  تو ہی انتہا 
ترا نام اول 
 ترا نام آخر…!!!

 ڈاکٹر) کہکشاں تبسم)

C/O. Prof. Ziaul Islam
Sabaur College, Sabaur
 Bhagalpur-813210 (Bihar)
Mob: 8651449489
بشکریہ ’’غزالانِ حرم‘‘ مرتب: مشتاق دربھنگوی
……………………………………