|
|
* Jiye.nge magar muskuraa naa sake.nge ke ab zindagii mei.n muhabbat nahii.n hai *
Jiye.nge magar muskuraa naa sake.nge ke ab zindagii mei.n muhabbat nahii.n hai ,
labo.n pe taraane ab aa naa sake.nge ke ab zindagii me.n muhabbat nahii.n hai,
bahaare.n chaman me.n jab aayaa kare.ngii nazaro.n kii mahafil sajaayaa kare.ngii ,
nazaare bhii ham ko ha.Nsaa na sake.ngii ke ab zindagii me.n muhabbat nahii.n hai,
javaanii bulaayegii saavaan kii raate.n zamaanaa karegaa muhabbat kii baate.n ,
magar ham ye saavaan manaa na sake.nge ke ab zindagii me.n muhabbat nahii.n hai.
|
|
