donateplease
newsletter
newsletter
rishta online logo
rosemine
Bazme Adab
Google   Site  
Bookmark and Share 
design_poetry
Share on Facebook
 
Kaleem Ajiz
 
Share to Aalmi Urdu Ghar
* Mere hii lahuu par guzar auqaat karo ho, *
Mere hii lahuu par guzar auqaat karo ho,
Mujh se hii amiiro'n kii tarah baat karo ho.

Din ek sitam ek sitam raat karo ho,
Tum dost ho dushman ko bhi jo maat karo ho,

Ham khaaq nashii'n tum sukhan-aaray sar-e-baam,
Paas aakar milo door se kyaa baat karo ho.

Ham ko jo milaa hai vo tumhii'n se to milaa hai,
Ham aur bhulaa den tumhen kyaa baat karo ho,

Yuu'n to muu'nh pher ke dekho bhii nahii'n ho,
Jab vaqt pade hai to madaaraat karo ho.

daaman pe koii chii'nt na khanjar pe koii daagh,
Tum qatl karo ho ke karaamaat karo ho.

Bakne bhi do "Aajiz" ko jo bole hai bake hai,
Diivaanaa hai diivaane se kyaa baat karo ho. 
 
Comments


Login

You are Visitor Number : 431