Hal-e-dil mai ne jo dunya ko sunana chaha
mujh ko har shaKhs ne dil apna dikhana chaha
apni tasveer banane ke liye duniya main
mai ne har rang pe ik rang charhana chaha
Khak-e-dil jauhar-e-aina ke kam aa hi gai
lakh dunya ne nigahoo se girana chaha
shola-e-barq se gulshan ko bachane ke liye
mai ne har aag ko sine main chupana chaha
apne aibon ko chupane ke liye dunya main
mai ne har shaKhs pe ilzam lagana chaha
Gairat-e-mauj use phenk gai sahil par
Doobne wale ne jab shor machana chaha