donateplease
newsletter
newsletter
rishta online logo
rosemine
Bazme Adab
Google   Site  
Bookmark and Share 
design_poetry
Share on Facebook
 
Khalil ur Rahman Azmi
 
Share to Aalmi Urdu Ghar
* Jalataa nahii’n aur jal rahaa hoo’n *
Jalataa nahii’n aur jal rahaa hoo’n
kis aag me’n mai’n pighal rahaa hoo’n

mafaluuj hai’n haath-paanv mere
phir zahan me’n kyuu’n chal rahaa hoo’n

raaii kaa banaa ke ek parvat
ab is pe Khud hii phisal rahaa hoo’n

kis haath se haath mai’n milaauu’n
ab apane hii haath mal rahaa hoo’n

kyon aaiinaa baar baar dekhuu’n
mai’n aaj nahii’n jo kal rahaa hoo’n

ab kaun saa dar rahaa hai baaqii
us dar se kyo’n mai’n nikal rahaa hoo’n

qadamo’n ke tale to kuchh nahii’n hai
kis chiiz ko mai’n kuchal rahaa hoo’n

ab koii nahii’n rahaa sahaaraa
mai’n aaj se phir sambhal rahaa hoo’n

ye barf hataao mere sar se
mai’n aaj kuchh aur jal rahaa hoo’n 
 
Comments


Login

You are Visitor Number : 422