donateplease
newsletter
newsletter
rishta online logo
rosemine
Bazme Adab
Google   Site  
Bookmark and Share 
design_poetry
Share on Facebook
 
Khalil ur Rahman Azmi
 
Share to Aalmi Urdu Ghar
* Tarz jiine kaa sikhatii hai mujhe *
Tarz jiine kaa sikhatii hai mujhe
tashnagii zahar pilaatii hai mujhe

raat bhar rahatii hai kis baat kii dhun
na jagaatii hai na sulaatii hai mujhe

roothtaa huun jo kabhii duniyaa se
zindagii aake manaatii hai mujhe

aaiinaa dekhuun to kyuunkar dekhuu’n
yaad ik shaKhs kii aatii hai mujhe

band karataa huu’n jo aankhe’n kyaa kyaa
roshanii sii nazar aatii hai mujhe

koii mil jaaye to raastaa kat jaaye
apanii parachaaii Daraatii hai mujhe

ab to ye bhuul gayaa kis kii talab
des parades phiraatii hai mujhe

kaise ho Khatm kahaanii Gham kii
ab to kuchh niind sii aatii hai mujhe

 
Comments


Login

You are Visitor Number : 384