donateplease
newsletter
newsletter
rishta online logo
rosemine
Bazme Adab
Google   Site  
Bookmark and Share 
design_poetry
Share on Facebook
 
Khalil ur Rahman Azmi
 
Share to Aalmi Urdu Ghar
* MaiN Gautam nahiiN huuN *
MaiN Gautam nahiiN huuN
magar maiN bhii jab ghar se niklaa thaa
yeh sochtaa thaa
ki maiN apne hii aap ko DhuunDhne jaa rahaa huuN
kisi peR ki chhaoN meN
maiN bhii baiThungaa

ek din mujhe bhii koii gyaan hogaa
magar jism kii aag jo ghar se lekar chalaa thaa
sulagtii rahii
ghar ke baahar havaa tez thii
aur bhii yeh bhaRaktii rahii
ek ek peR jalkar huaa raakh

maiN aise sahraa meN ab phir rahaa huuN
jahaaN maiN hii maiN huun
jahaaN meraa saayaa hai
saaye ka saayaa
aur duur tak
bas Khalaa hii Khalaa hai
 
Comments


Login

You are Visitor Number : 344