Wohi Phir Mujhay Yaad Aanay Lagay Hain
Jinhein Bhoolnay Mein Zamanay Lagay Hain

Wo Hain Paas Aur Yaad Aanay Lagay Hain
Mohabbat Kay Hosh Ab Thikanay Lagay Hain

Suna Hay Hamein Wo Bhulanay Lagay Hain
TO Kya Hum Unhein Yaad Aanay Lagay Hain

Hataaye Thay Jo Raah Say Doston Kii 
Wo Pathar Mairay Ghar Mein Aanay Lagay Hain 

Ye Kehna Tha Un Say Mohabbat Hay Mujh Ko
Ye Kehnay Mein Mujh Ko Zamanay Lagay Hain

Qayaamat Yaqeenan Qareeb Aa Gii Hai 
Khumar Ab To Masjid Mein Jaanay Lagay Hain