donateplease
newsletter
newsletter
rishta online logo
rosemine
Bazme Adab
Google   Site  
Bookmark and Share 
design_poetry
Share on Facebook
 
Khushbir Singh Shaad
 
Share to Aalmi Urdu Ghar
* Rooh ki yeh roshni meiN teeragi ko saunp dooN? *
Rooh ki yeh roshni meiN teeragi ko saunp dooN?
ik sada baaqi hai, woh bhi khaamshi ko saunp dooN?
 
maut kay moonh sey bacha kar laya hooN apna wajood
itni aasani sey kaisey zindagi ko saunp dooN?
 
moTbar kitney haiN sehra kay safar meiN yeh saraab
faisley ka haq bhi apni tashnagi ko saunp dooN
 
 
rait kay tootey huye ik ghar sa hooN sahil pe meiN
yeh haqeeqat maan kar khud ko nadi ko saunp dooN?
 
dil kay bas meiN ab nahiN yeh jaan-leva zalzaley
wahshatoN ka yeh asaasa aaghi ko saunp dooN
 
tab kisi pehchaan ki ummeed rakhkhooN shehr sey
;Shaad; ik chehra to is be-chehargi ko saunp dooN
*******
 
Comments


Login

You are Visitor Number : 394