نعت پاک

کس نے لی ہے انگڑائی آمنہ کے آنگن میں
عرش سے بہار آئی آمنہ کے آنگن میں

آسماں کو چھوتا ہے مرتبہ حلیمہ کا
بن کے آئی تھی دائی آمنہ کے آنگن میں

دور ہوگی دنیا سے شرک و کفر کی ظلمت
روشنی اُتر آئی آمنہ کے آنگن میں

کون آگیا آخر جس کے پائوں چھونے کو
ارضِ کل سمٹ آئی آمنہ کے آنگن میں

کائنات پر ہوگی رحمتوں کی بارش اب
خلد کی گھٹا چھائی آمنہ کے آنگن میں

آخر الزماں میں جب نورِ اولیں دیکھا
بادِ صبح اٹھلائی آمنہ کے آنگن میں

دینِ حق کی خوشبو سے دو جہاں مہک اٹھے
کس کی زلف لہرائی آمنہ کے آنگن میں

خوشبو رامپوری

W/O, Nabbu Khan, Chowki Peela Talab
Gali Peerzadgan, Rampur-244901 (U.P)
Mob: 9319810614
بشکریہ ’’عندلیبانِ طیبہ‘‘ مرتب: مشتاق دربھنگوی
……………………………………