Ham tujh se kis hawas ki falak justaju kare'n, 
Dil hi nahi'n raha hai jo kuchh aarzu kare'n,

MiT jayei'n ek an mai'n kasrat namaya'n, 
Ham aine ke samne aa kar jo hu kare'n,

Tar-damani pe sheiKh hamari na jaio, 
Daman nichor de'n to farishte wazu kare'n,

Sar ta qadam zaban hai jun shama go ke ham ,
Par yai kaha'n majal jo kuchh guftagu kare'n,

Har chand aina hun par itna na qabul, 
Munh pher le wo jiske mujhe ru-ba-ru kare'n,

Ne gul ko hai sabat ne ham ko aitabar, 
Kis bat par chaman hawas-e-rang-o-bu kare'n.