|
* Apane taaiin to har ghadii Gham hai, aalam hai, daagh hai *
Apane taaiin to har ghadii Gham hai, aalam hai, daagh hai
yaad kare hamen kabhii kab ye tujhe dimaagh hai
ji kii Khushii nahiin giro sabz-o-gul ke haath kuchh
dil ho shaguftaa jis jagah wo hii chaman hai baagh hai
kis kii ye chashm-e-mast ne bazm ko yuun chhakaa diya
masl-e-habaab sar nagun sharam se har ayaagh hai
jalate hii jalate subah tak guzarii use tamaam shab
dil hai ke sholaa hai koii, shamaa hai yaa chiraagh hai
paaiiye kis jagah bataa aye but-e-bewafaa tujhe
umr-e-guzashtaa kii tarah gum hii sadaa suraagh hai
sair-e-bahaar-o-baagh se ham ko maaf kiijiiye
us ke Khayaal-e-zulf se dard kise faraagh hai?
|
|