Hasarat hai tujhe saamane baiThe kabhii dekhuu.N,
mai.n tujh se muKhaatib huu.N teraa haal bhii puuchhuu.N,

dil me.n hai mulaaqaat kii Khvaahish kii dabii aag,
mehandii lage haatho.n ko chhupaa kar kahaa.N rakhuu.N,


jis naam se tuune mujhe bachapan se pukaaraa,
ik umr guzarane pe bhii vo naam na bhuluu.N,

tuu ashk hii ban ke merii aa.Nkho.n me.n samaa jaa,
mai.n aa_iinaa dekhuu.N to teraa aks bhii dekhuu.N,

puuchhuu.N kabhii Ghuncho.n se sitaaro.n se havaa se,
tujh se hii magar aa ke teraa naam na puuchhuu.N,


ai merii tamannaa ke sitaare tuu kahaa.N hai,
tuu aaye to ye jism shab-e-Gham ko na sau.npuu.N.