donateplease
newsletter
newsletter
rishta online logo
rosemine
Bazme Adab
Google   Site  
Bookmark and Share 
design_poetry
Share on Facebook
 
Kishwar Naheed
 
Share to Aalmi Urdu Ghar
* Ham ki maghloob-e-gumaa'n the pahale *
Ham ki maghloob-e-gumaa'n the pahale
phir vahii'n hai'n ki jahaa'n the pahale

Khvaahishe'n jhurriyaa'n ban kar ubharii'n
zakhm siine me'n nihaa'n the pahale

ab to har baat pe ro dete hai'n
vaaqif-e-suud-o-ziyaa'n the pahale

dil se jaise ko_ii kaa.ntaa nikalaa
ashk aa'nkho'n se ravaa'n the pahale

ab faqat anjuman_aaraaii hai'n
aitabaar-e-dil-o-jaa'n the pahale

dosh pe sar hai ki hai barf jamii
ham to sholo'n kii zubaa'n the pahale

ab to har taazaa sitam hai tasliim
haadase dil pe garaa'n the pahale

merii hamzaad hai tanhaaii merii
aise rishte bhii kahaa'n the pahale
 
Comments


Login

You are Visitor Number : 303