Hasrat hai tujhe samne baiThe kabhi dekhoo
mai tujh se muKhatib hoon tera haal bhi pochoo
dil main hai mulaqat ki Khwahish ki dabi aag
mehandi lage hatho ko chupa kar kahan rakhoo
jis nam se tune mujhe bachpan se pukara
ik umar guzarne pe bhi wo nam na bholoo
tu ashk hi ban ke meri aNkhoo main sama ja
mai aina dekhoon to tera aks bhi dekhoo
pochoon kabhi Guncho se sitaroo se hawa se
tujh se hi magar aa ke tera nam na pochoo
ai meri tamana ke sitare tu kahaN hai
tu aye to ye jism shab-e-Ghum ko na saonpoo