donateplease
newsletter
newsletter
rishta online logo
rosemine
Bazme Adab
Google   Site  
Bookmark and Share 
design_poetry
Share on Facebook
 
Krishan Adeeb
 
Share to Aalmi Urdu Ghar
* Go jaam meraa zahar se labrez bohat hai *
Go jaam meraa zahar se labrez bohat hai,
kyaa jaaniye kyuuN piine se parhez bohat hai,

showcase meN rakhaa huaa aurat ka jo but hai,
guungaa hii sahii phir bhii dil-aavez bohat hai,

ashaar ke phuuloN se ladii shaaKh-e-tamannaa,
miTTii mere ahsaas kii zarkhez bohat hai,

khul jaataa hai tanhaaii meN malbuus ke maanind,
voh rashk-e-gul-e-tar ki kam-aamez bohat hai,

mausam kaa taqaazaa hai ki lazzat kaa badan chuum,
khwaahish ke daraKhtoN meN havaa tez bohat hai,

aaNkhoN meN liye phirtaa hai KhwaaboN ke jaziire,
voh shaair-e-aashuftaa jo shab-khez bohat hai.
 
Comments


Login

You are Visitor Number : 331