donateplease
newsletter
newsletter
rishta online logo
rosemine
Bazme Adab
Google   Site  
Bookmark and Share 
design_poetry
Share on Facebook
 
Kumaar Paashii
 
Share to Aalmi Urdu Ghar
* Khush ho aye duniaa ki ek achchii Khabar le aaye haiN *
Khush ho aye duniaa ki ek achchii Khabar le aaye haiN,
sab GhamoN ko ham manaa kar apne ghar le aaye haiN,

is qadar mahfuuz goshaa is zamiiN par ab kahaaN,
ham uThaa kar dasht meN diivaar-o-dar le aaye haiN,

sansanaate aasmaaN meN un pe kyaa guzrii na puuchh
aane vaale khuun meN tar baal-o-par le aaye haiN,

dekhtaa huuN dushmanoN kaa ek lashkar har taraf,
kis jagah mujhko yah mere ham-safar le aaye haiN,

maiN ki taariikii kaa dushman maiN andheroN kaa hariif,
is liye mujhko idhar ahl-e-nazar le aaye haiN.
 
Comments


Login

You are Visitor Number : 286