* گلشن میں بہار آئی میرے دل کا چمن وی *
گلشن میں بہار آئی میرے دل کا چمن ویراں
ہر شاخ ہے مسکائی، میرے دل کا چمن ویراں
کلیوں نے بھی کھل کھل کے ریتوں کو صدا دی ہے
پتوں نے بھی ہل ہل کے شاخوں کو ہوا دی ہے
موسم پہ بہار آئی، میرے دل کا چمن ویراں
غنچوں سے لپٹتی ہے مستی بھری پروائی
ہر سو ہے نشہ چھلکا مد مست گھٹا چھائی
پھولوں نے لی انگڑائی، میرے دل کا چمن ویراں
تاروں سی چمکتی ہیں برکھا کی حسیں بوندیں
دلہن سی لرزتی ہیں بدلی میں چھپی لہریں
بھاوناؤں نے غزل گائی، میرے دل کا چمن ویراں
|