غزل

ذرّہ یہ مانتا ہے کہ اُس کی اچھال کیا
سورج کے تجربے میں نہیں ہے زوال کیا
خود آشنا نہیں ہوں کہ یہ احتساب ہو
کیا ہے مرا عروج ، ہے میرا زوال کیا
تیور میں ہے چھپا ہوا صدیوں کا انتقام
اے زندگی بتا ہے ترا حال چال کیا
شاید کہ آئینہ ہی مجھے دے کوئی جواب
آنکھوں کا رنج کیسا ہے دل کا ملال کیا
میں خود ہی انتقام کی منزل سے تھا قریب
دنیا دلا رہی تھی مجھے اشتعال کیا
اب تک کے آرہی ہے صدا ٹوٹ ٹوٹ کے
میں حادثوں سے بچتا رہا بال بال کیا
ہر موج پر سوال اٹھاتے ہیں ہم اثر
اب دیکھئے کہ کرتا ہے دریا سوال کیا

ایم کے اثر

B-30/A/1, Iron Gate Raod, Matia Burj
Kolkata-700024
Mob: 9748977933
بشکریہ ’’میر بھی ہم بھی‘‘	مرتب: مشتاق دربھنگوی
………………………