غزل۔

برف کا آتِش فشاں کہنے لگا
پارہ ٔ دل کو مکاں کہنے لگا
دھڑکنوں کی خامشی سے پوچھ لو
کیا تخیل سے گُُماں کہنے لگا
گُلبنوں کے خار میں ہر گُلبد ن
تِتِلِیوں کو جانِ جاں کہنے لگا
توڑ ڈالو سب رِوایا تِ کُہن
آندھیوں کا کارواں کہنے لگا
میرے دم سے ہی بہارِ زیست ہے
زرد پتوں کا دھواںکہنے لگا
بُت کدے کا مان رکھوں کِس طرح
امن کا دارُالاماں کہنے لگا
میں نہ مانوں گا کِسی تقدیر کو
ہمتوں کا آسماں کہنے لگا
گردشِ دوراں کو کرنا ہے رواں
بے بسی کا امتحا ں کہنے لگا
میرے ہاتھوں میں ہے خوشبو کا پتہ
خار زاروں کا جہاں کہنے لگا
درد کے گِرداب میں گھِِِ کے بھنور
ساحلوں کو سائباں کہنے لگا
گُلبنوں کی ہے عطا گُلگوں قبا
خوشبوؤں کا آشیاں کہنے لگا
یہ کنولؔ ہے یا گُہر ہیں آب میں
آب زاروں کا جہاں کہنے لگا

ایم زیڈ کنولؔ
******